Минатиот петок во Рим се одржа средба меѓу министерот за земјоделство, храна и шумарски политики Стефано Патуанели и министерот за земјоделство, шумарство и водостопанство на Република Северна Македонија Љупчо Николовски.
На средбата меѓу двајцата министри беше потпишан меморандум за разбирање за земјоделска соработка меѓу Италија и Северна Македонија.
Договорот, кој ќе биде со времетраење од 5 години, предвидува активности за соработка во областа на производите со деноминација и потекло, органски производи, фитосанитарни производи, политики за наводнување, политики за промоција на вино, финансиска поддршка и здруженија на компании, во осигурувањето, во соработка помеѓу шумските карабинери и Секторот за шумска полиција на Северна Македонија и се што е корисно за управувањето со земјоделските пазари.
