Во средата на 22 ноември на Универзитетот „Гоце Делчев“ во Штип се одржа средба меѓу Конфиндустрија Северна Македонија и професорите на филолошкиот факултет на Универзитетот, при што беше потпишан и меморандум за соработка.
Целта на договорот, покрај можноста за соработка помеѓу Универзитетот и Конфиндустрија Северна Македонија, е да им се понуди на студентите на Универзитетот можност за стажирање во самата Асоцијација, нејзините придружни компании или други меѓународни претставништва на Конфиндустрија.
Покрај можноста за студенти, меморандумот ќе понуди и можност Универзитетот Гоце Делчев од Штип да воспостави нови партнерства со италијанските универзитети со кои соработува Конфиндустрија Северна Македонија.
