Од 1 јануари 2023 година, Северна Македонија го презеде претседавањето со ОБСЕ „Организација за безбедност и соработка во Европа“, најголемата меѓувладина регионална безбедносна организација за промовирање на мирот, политичкиот дијалог, правдата и соработката во Европа, која во моментов има педесет и седум земји членки во Северна Америка, Европа и Азија.
Шефот на македонската дипломатија Бујар Османи во четвртокот присуствуваше на седницата на Министерскиот совет на ОБСЕ, при што ја истакна потребата од заедничко управување со предизвиците во рамките на ОБСЕ и пошироко, вклучително и транснационалниот тероризам, ризиците од трговијата со оружје, масовната миграција и хуманитарните кризи.
Како иден претседател на Организацијата во 2023 година, Македонија ќе работи на зачувување и промовирање на основните вредности и принципи на ОБСЕ, почнувајќи од почетокот на следниот месец, како дел од триото претседатели, заедно со Полска и Шведска, рече Османи.
Османи во својот говор ја посочи Македонија како пример за функционална мултиетничка демократија, во склад со вредностите и обврските на ОБСЕ. На крајот, Османи ја истакна важноста на европската перспектива за регионот, како важен фактор за неговата безбедност и стабилност.
Фото: Република.мк
